محترم حضرت حکیم صاحب السلام علیکم! ایک عمل قارئین کی خدمت میں عرض ہے‘ جسم میں کہیں بھی درد ہو‘ یہ عمل کرکے پھونک ماردیں ‘ الحمدللہ! درد ختم ہوجاتا ہے۔ میں بچپن سے یہ عمل آزمارہی ہوں‘ ہر درد سے راحت ہوتی ہے۔ عمل کا طریقہ یہ ہے: تین مرتبہ پہلا کلمہ طیب‘ سورۂ فاتحہ ایک مرتبہ‘ آیۃ الکرسی ایک مرتبہ‘ درود ابراہیمی ایک مرتبہ‘ سورۂ اخلاص ایک مرتبہ‘ سورۂ فلق ایک مرتبہ‘ سورۂ ناس ایک مرتبہ بمعہ تسمیہ پڑھ کر شہادت والی انگلی پر پھونک کر جو بھی جسمانی تکلیف ہو اس جگہ پر تصور کرکے انگلی پھیر دینے سے تکلیف دور ہوجاتی ہے۔تیربہدف عمل ہے‘ ضرور آزمائیے‘ ایک مرتبہ کرنے سے فرق محسوس نہ ہو تو چند بار کیجئے‘ درد ضرور کی شدت کم ضرور ہوتی اور پھر آہستہ آہستہ راحت مل جاتی ہے۔ (رافعہ حسین‘ سندھ)